Ötən yazılarımda PL-900 imtahanı və Power Platform haqqında danışmışdım. Bu yazımda isə Power Apps haqqında və onun bizə verəcəyi biznes dəyərindən danışacağıq.
Power Apps imkan verir ki bir zamanlar kağızda olan formlarınızı, yaxud Excel ilə etdiyiniz işlərinizi bulud mühitində yerləşdirəsiniz. 275-dən artıq konnektor vasitəsilə fərqli sunuculara qoşulmaq mümkündür.
Önəmli üstünlük də odur ki, tablet və mobil formatında yaradılan applikasiyalar PC, laptop və tablet-lər, mobil telefonlar vasitəsilə əlçatan olacaqdır.
Müasir dövrdə adətən Power Apps data analistlərə və digər peşə sahiblərinə imkan verir ki, kodsuz/ yaxud az kod (ing. low code/no code)yazmaq gərəkdirən mühitdə fərqli həllər yaratsınlar. Məsələn çalışdığım şirkətdə tədbir qeydiyyatı etmək üçün platforma Power Apps-da hazırlanmışdır. Özüm isə belə bir tətbiq hazırlamışdım ki, onun vasitəsilə şablon verilənlər əsasında Outlook-da görüş yarada bilirdiniz.
Sual oluna bilər ki, bəs orda funksiya yazmaq olur? Təbii ki. Özünəməxsus formula mühitini çox sevəcəksiniz.
İlk başladıqda üç növ applikasiya yarada bilərsiniz ki, bunlar aşağıdakılardır:
–canvas apps (yuxarıda olanlar)
–model-driven apps (Microsoft Dataverse-də yerləşən məlumat üzərindən qurulur)
–portals (daha çox xarici mühit və müştərilər üçün portal yaratmaq məqsədlidir)
Power Apps sizə süni intellektdən istifadə edərək bu xidmətlərlə inteqrasiya imkanı verir:
Prediction – əlimizdə olan məlumatlara əsasən öngörmə
Form processor – fərqli sənədlərdən lazımi məlumatları oxuma
Object detector – əşyaların tanınması
Text classification – mətnin tanınması
Burada Heathrow aeroportunda zamanında Power Apps tətbiqi haqqında çəkilmiş video-a baxa bilərsiniz.
Bu yazımızda Power Apps haqqında danışdıq.
Növbəti yazılarımızda görüşənədək.
Daha ətraflı oxuya bilərsiniz:
PowerApps ile Sıfırdan Adım Adım ilk Uygulamanızı Geliştirin!: https://www.mshowto.org/microsoft-powerapps-ile-sifirdan-adim-adim-ilk-uygulamanizi-gelistirin.html
Poweapps Nedir ? Power BI + Powerapps birlikte nasıl çalışır?